МИСКЕУ. 15-маусым. Kazakhstan Today. Ресей Федерациясының президенті Владимир Путин "Ресей Федерациясының үкіметі, Болгария Республикасының үкіметі және Греция Республикасы үкіметінің арасындағы Бургас-Александруполис мұнай құбырын салу және пайдалануға беру туралы келісімді бекіту туралы" Федералдық заңға қол қойды. Бұл туралы Kazakhstan Today тілшісіне РФ президентінің баспасөз қызметінен хабарлады.
Афиныда 2007 жылдың 15 наурызында қол қойылған келісімді Ресей Федерациясының үкіметі "Ресей Федерациясының халықаралық келісімдері туралы" Фдералдық заңының 16-бабының 1-тармығына сәйкес енгізген.
Келісімнің мақсаты Бургас-Александруполис мұнай құбырын салу және пайдаланға беру барысында ынтымақтастық бағыттарын анықтау болып табылады. Бастапқы өткізу мүмкіндігі жылына 35 млн тоннадан және оның мүмкіндігін жылына 50 млн тонна мұнайға дейін кеңейту көзделуде.
Келісімнің 2-бабына сәйкес тараптар мұнай құбырының иесі және шаруашылық субъектілері (қатысушылар) құратын Халықаралық жобалау компаниясын құруға көмек көрсетеді. Олардың аталған компанияның жарғылық (акционерлік) капиталындағы үлестерінің 51 пайызы ресейлік қатысушылардың ("Бургас - Александруполис" Құбыр консорциумы жауапкершілігі шектеулі қоғам; 24,5 пайызы - болгарлық қатысушылардың ("Бургас-Александруполис-БГ мұнай құбыры" Жобалау компаниясы) акционерлік қоғамы); 24,5 пайызы - грек қатысушыларының ("ХЕЛПЕ С.А. - ТРАКИ С.А." біріккен кәсіпорыны, 23,5 пайызы -Греция мемлекетінің үлесіне тиеді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
РФ президенті Ресей, Болгария және Греция үкіметтерінің арасындағы Бургас-Александруполис мұнай құбырын салу туралы келісімді бекітті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.