РФ Президенті Владимир Путин Қазақстанға ресми сапармен келеді
Ресми өкілдің айтуынша сапар аясында Ресей Президенті Елбасы Нұрсұлтан Назарбаевпен кездесіп, Қазақстан мен Ресей арасындағы сауда-экономикалық, мәдени-гуманитарлық салалардағы ынтымақтастық жайын сөз етпек.
Астана. 6-маусым. Kazakhstan Today - 7 маусым күні Қазақстанға ресми сапармен РФ Президенті Владимир Путин келеді, деп хабарлайды Kazakhstan Today агенттігінің тілшісі.
Бұл ақпаратты бүгін Астанада өткен брифингте еліміздің Сыртқы істер министрлігінің ресми өкілі Алтай Ибибуллаев мәлім етті.
Ресми өкілдің айтуынша сапар аясында Ресей Президенті Елбасы Нұрсұлтан Назарбаевпен кездесіп, Қазақстан мен Ресей арасындағы сауда-экономикалық, мәдени-гуманитарлық салалардағы ынтымақтастық жайын сөз етпек.
Одан өзге екі ел басшылары ТМД, Еуразиялық кеңістік, Кеден одағы, Ұжымдық қауіпсіздік шарт ұйымы мәселелеріне де тоқталып, бірқатар екі жақты құжаттарға қол қою жоспарлануда. Оның ішінде екі елдің Достық, ынтымақтастық және өзара көмек туралы базалық келісімге өзгерістер мен толықтырулар туралы хаттамаға қол қойылмақ. Сондай-ақ брифингте мәлім болғандай АҚШ-тың Нью-Йорк қаласындағы әуежайдан 4 Қазақстан азаматы елге қайтарылды. Олар АҚШ еліне "Work and Travel" жазғы бағдарламасы арқылы келген.
"Біз америкалық тараппен келіссіөздерге шығып, олардан аталмыш бағдарламаны жүзеге асырған АҚШ компаниясы жергілікті құқық қорғау органдарының күдікті деген компанияларының қатарында екенін мәлім болды. Сондықтан қазақстандық азаматтардың визаларының әуежайда-ақ күші жойылғаны анықталды", - деп мәлім етті ҚР СІМ ресми өкілі Алтай Ибибуллаев.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.