РФ президенті Владимир Путин Молдова басшысын қабылдады
РФ президенті Владимир Путин Молдова басшысын қабылдады
Мәскеу. 22-ақпан. "Қазақстан Бүгін" - РФ президенті Владимир Путин Молдова президенті Владимир Воронинді қабылдады, деп хабарлайды "Қазақстан Бүгін" агенттігінің тілшісі.
В. Путин Ресей-Молдова қатынастарының дамуына қанағаттанатынын білдірді. "Ресей-Молдова қатынастары жалпы алғанда нашар дамып жатқан жоқ", - деп мәлімдеді РФ президенті кездесу алдында.
Оның айтуынша, қосымша күш-жігерді талап ететін бірнеше бағыттар бар. "Қосымша талқылауды қажет ететін кейбір мәселелер бар", - деді В. Путин.
В. Ворониннің пайымдауынша, бұл Приднестровье мәселесі. Ол осы мәселені В. Путинмен талқылауды дұрыс көретінін атап көрсетті. "Молдова екі жақты қатынастар, сондай-ақ, Приднестровье бойынша екі елге ортақ мәселелерді талқылауға дайын. Біз бұл әңгімеге дайынбыз", - деді В. Воронин.
Бұрын хабарлағанымыздай, ТМД елдерінің басшылары Мәскеуге бүгін болатын ресми емес саммитке қатысу үшін келген. В. Путин ТМД елдері басшыларымен бірқатар кездесулер өткізеді. Ресей президентінің баспасөз қызметінен хабарлағандай, Молдова президенті Владимир Ворониннен өзге, Тәжікстан президенті - Эмомали Рахмон, Грузия президенті - Михаил Саакашвили және Қырғызстан президенті - Құрманбек Бакиев Ресей президенті Владимир Путинмен кездесу өткізеді.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.