Румыния Қазақстанмен ЕҚЫҰ-ына төрағалық жасау тәжірибесімен бөлісе алады
Румыния Қазақстанмен ЕҚЫҰ-ына төрағалық жасау тәжірибесімен бөлісе алады
Астана. 11 қыркүйек. Kazakhstan Today - Румыния Қазақстанмен ЕҚЫҰ-ына төрағалық жасау тәжірибесімен бөлісе алады, бұл Қазақстанның мақсат-міндетін жеңілдетуге көмектеседі. Бұл туралы бүгін Сауда-экономикалық және ғылыми-техникалық ынтымақтастық жөніндегі Қазақстан - Румыния үкіметаралық комиссиясының 8-ші отырысында Қазақстанның экономика вице-министрі Тимур Сүлейменов мәлім етті, деп хабарлайды Kazakhstan Today.
"Румыния экономикалық, әлеуметтік және мудени дамуы жағынан да, социалистік блоктағы ортақ тарихы бойынша да бізбен жақын ел. 2001 жылы ЕҚЫҰ-ына төрағалық жасаған кезде Румыния Республикасына осы ұйыммен интеграциялана отырып, біршама мәселені шешуге тура келді. Сол себепті біз үшін Румыния жағы тарапынан қандай нақты бастамалар жасалғанын, заңнамаға қандай өзгерістер енгізілгенін, қандай нақты қадамдардың іске асырылғанын білу аса маңызды", - деді Т. Сүлейменов.
"Румыния президентінің қазан айына жоспарланған сапары кезінде көптеген мәселелер талқыланады, соның ішінде айрықша маңыздысы экономика мен энергетика болмақ", - деді вице-министр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.