С. Ахметов жұмыс сапарымен Өзбекстанға барады
Бұл туралы бүгін ҚР Президенті жанындағы Орталық коммуникациялар қызметінің ресми өкілі Алтай Ибибуллаев мәлім етті.
Астана. 19-желтоқсан. Kazakhstan Today - ҚР Премьер-Министрі Серік Ахметов Өзбекстанға жұмыс сапармен барады, деп хабарлайды Kazakhstan Today агенттігінің тілшісі.
Бұл туралы бүгін ҚР Президенті жанындағы Орталық коммуникациялар қызметінің ресми өкілі Алтай Ибибуллаев айтты.
"21-22 желотқсан күндері Қазақстан Премьер-Министрі Серік Ахметов жұмыс сапарымен Өзбекстанға барады. Өзбекстан Президенті Ислам Кәрімов пен республика Премьер-Министрі келіссөздері барысында сауда-экономикалық, мәдени-гумнитарлық қарыс-қатынастар, сонымен қатар су-энергетика саласындағы ынтымақтастық мәселелерін талқылау жоспарланған", - деді ол.
Айта кетейік, Қазақстан мен Өзбекстан арасындағы сауда айналымы өткен жылы 1,95 млрд. АҚШ долларын құрап, 2010 жылмен салыстырғанда 23,9 пайызға артты. Ал осы жылдың 10 айында сауда айналымы 1,7 млрд. долларға жетті. Бүгінде Өзбекстанда Қазақстан инвестициясының қатысуымен 173 кәсіпорын, оның ішінде 48 бірлескен кәсіпорын жұмыс істеуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.