АСТАНА. 2 - тамыз. Kazakhstan Today. Саяси партиялар сайлау комиссиясының жұмысына қатысу мүмкіндіктерін толық пайдаланбай отыр. Бұл туралы бүгін Қазақстан Республикасының Орталық сайлау комиссиясының отырысында оның басшысы Қуандық Тұрғанқұлов мәлім етті, деп хабарлайды Kazakhstan Today тілшісі.
"Біз партиялар мен облыстық, Астана және Алматы қалаларының сайлау комиссияларынан сайлау заңы бойынша сайлау комиссияларының құрамына кеңес барысында дауыс беру құқығын беріп отырған мүмкіндіктерді партиялардың пайдалануы туралы мәліметтерді келтіруді сұрадық. Берілген мәліметтер бізді ойландырып тастады",- деді Қуандық Тұрғанқұлов.
Ол, жалпы республика бойынша " мәслихат депутаттары бойынша облыстық, округтік және учаскелік сайлау комиссияларында Жалпы ұлттық социал-демократиялық партиясының төрт өкілдігі бар (Алматы қалалық, Қостанай облыстық, Шығыс Қазақстан облыстық және Қызылорда облыстық сайлау комиссияларында бір-бірден)" екенін атап өтті. "Аталған комиссияларда кеңес барысында дауыс беру құқығы басқа партиялардың өкілдерінде жоқ",- деп атап өтті Орталық сайлау комиссиясының басшысы.
"Бұл партиялардың сайлау комиссиясының жұмысына қатысу үшін өздеріне сайлау заңымен берілген мүмкіндіктерді толық пайдаланбай отыр деген сөз",- деп санайды Қуандық Тұрғанқұлов.
Ол сонымен қатар, "кеңес барысында дауыс беру құқығымен сайлау комиссиясы мүшелерінің жұмыстарына өздерінің тарапынан кедергі келтіру жағдайы Орталық сайлау комиссиясында тіркелмегендігін" атап көрсетті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Саяси партиялар сайлау комиссиясының жұмысына қатысу мүмкіндіктерін толық пайдаланбай отыр
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.