Саяси реформалар таяу айларда заң жүзінде толық рәсімделуге тиіс - президент
Саяси реформалар таяу айларда заң жүзінде толық рәсімделуге тиіс. Бұл туралы ел президенті Нұрсұлтан Назарбаев бүгін төртінші шақырылған парламенттің бірінші сессиясының ашылуында сөйлеген сөзінде атап көрсетті.
"ҚАЗАҚСТАН БҮГІН". 2 қыркүйек. АСТАНА. Саяси реформалар таяу айларда заң жүзінде толық рәсімделуге тиіс. Бұл туралы ел президенті Нұрсұлтан Назарбаев бүгін төртінші шақырылған парламенттің бірінші сессиясының ашылуында сөйлеген сөзінде атап көрсетті.
"Қазақстан Республикасының Конституциясына енгізілген түзетулерді жүзеге асыруға бағытталған заңдарды таяу уақыттарда қарау қажет", - деді президент.
Атап айтсақ, ""Сот жүйесі және судьялардың мәртебесі туралы" конституциялық заңға, "Республикалық референдум туралы" конституциялық заңға, "Конституциялық кеңес туралы" конституциялық заңдарға өзгерістер мен толықтыруларды және өлім жазасын іс жүзінде алып тастауды, тұтқындауға соттан санкция беруді енгізуді регламенттейтін заңдарды қабылдау қажет".
"Бұған қоса жергілікті өзін өзі басқару мен мемлекеттік басқару іс-қызметін ұйымдастыру мәселелері жөніндегі заңнамалық актілер мен саяси партиялардың іс-қызметін, сыбайлас жемқорлықпен және көлеңкелі экономикамен күресті одан әрі күшейту жөніндегі және басқа да заңдарды қабылдау қажет", - деді Н. Назарбаев.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.