Сайланған жағдайда Қазақстан Еуропадағы қауіпсіздік және ынтымақтастық ұйымына лайықты деңгейде басшылық жасайды - президент
АСТАНА. 13-қыркүйек. Kazakhstan Today. Сайланған жағдайда Қазақстан 2009-жылы Еуропадағы қауіпсіздік және ынтымақтастық ұйымына лайықты деңгейде басшылық жасайды. Бұл туралы президент Нұрсұлтан Назарбаев бүгін Астанада өткен баспасөз мәслихатында мәлімдеді, деп хабарлайды Kazakhstan Today тілшісі.
"Меніңше, біз Еуропадағы қауіпсіздік және ынтымақтастық ұйымына 2009-жылы төрағалық жасауға ниет білдіре аламыз. Және біз бұл міндетті лайықты атқара алар едік",- деп мәлімдеді президент.
"Өзінің тұрақтылығымен, 130 ұлттың өкілдеріне тыныш өмір сүруге жағдай жасап беріп отырған Қазақстан төзімділік үлгісі болуға лайық. Біздің тәжірибеміз Еуропадағы қауіпсіздік және ынтымақтастық ұйымы үшін аса маңызды. Біздің табыстарымыз Еуропадағы қауіпсіздік және ынтымақтастық ұйымы үшін аса қызғылықты",- деп санайды Н.Назарбаев.
Мемлекет басшысы Қазақстанның ТМД-ға біріккен барлық 12 мемлекеттің атынан Еуропадағы қауіпсіздік және ынтымақтастық ұйымына 2009-жылы төрағалық жасауға ниет білдірген ұжымдық кандидатура екенін атап көрсетті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.