Сайлау органдары таяу уақыттарда мәслихат депутаттарының қатарын толықтыра сайлауды қамтамасыз етуге тиіс
Сайлау органдары таяу уақыттарда мәслихат депутаттарының қатарын толықтыра сайлауды қамтамасыз етуге тиіс
Астана. 1 тамыз. "Қазақстан Бүгін" - Сайлау органдары таяу уақыттарда мәслихат депутаттарының қатарын толықтыра сайлауды қамтамасыз етуге тиіс. Бұл туралы Орталық сайлау комиссиясының төрағасы Қуандық Тұрғанқұлов бүгін өткен брифингте мәлім етті, деп хабарлайды агенттік тілшісі.
"Қазақстан Республикасы парламенті сенатының депутаттарының сайлауы жанама сайлау құқығының негізінде өтетіндіктен, яғни, дауыс беруге сайлаушы ретінде мәслихат депутаттары қатысатындықтан, сайлау органдарының бір басты міндеті - таяу уақыттарда мәслихат депутаттарының қатарын толықтыра сайлауды қамтамасыз ету. Өйткені, кейбір округтерде түрлі себептермен депутаттардың орны бос", - деді Қ.Тұрғанқұлов.
Оның айтуынша, "бүгінгі күні Қазақстанда түрлі деңгейдегі 213 мәслихат жұмыс істейді, олардағы депутаттар корпусында 3 335 адам бар. Қазіргі жағдаймен 34 мандат иесіз".
"Тиісті округтерде кеткен депутаттардың орнына басқасын сайлау бағытында сайлау науқандары жүргізілуде. Олардың басым бөлігі тамыз айында аяқталуға тиіс, соңғы кезеңі - қыркүйектің бірінші онкүндігі", - деді ОСК төрағасы.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.