АСТАНА. 24-қаңтар. Kazakhstan Today. Санкт-Петербургте 25-27-ші қаңтар аралығында Қазақстан парламентінің мәжілісі мен Ресейдің Федералдық жиынының Мемлекеттік думасының арасындағы ынтымақтастық жөніндегі қазақстан-ресей палатааралық парламенттік комиссияның жетінші отырысы өтеді,
деп хабарлайды Kazakhstan Today тілшісі.
Мәжіліс аппаратының баспасөз қызметінен хабарлағандай, отырыста, атап айтқанда, қоршаған ортаны қорғау және білім беру саласындағы заңдарды жетілдіру туралы мәселелер талқыланбақ. Таврия сарайында болатын отырыс қорытындысы бойынша хаттамаға қол қойылады.
Санкт-Петербургке бару аясында қазақстандық депутаттар бірқатар кездесулер өткізуді жоспарлап отыр. Атап айтсақ, олар "Водоканал Санкт-Петербурга" ААҚ басшылығымен, Санкт-Петербург мемлекеттік университетінде білім алып жатқан қазақстандық студенттермен кездеседі.
Қазақстан мен Ресей парламенттерінің төменгі палаталары арасындағы ынтымақтастық жөніндегі палатааралық парламенттік комиссия тұрақты қызмет ететін парламентаралық ынтымақтастық органы болып табылады. Комиссия өз құзыреті аясында парламенттер арасындағы байланысты дамытуға көмегін тигізіп, парламенттік қызметтің барлық салалары бойынша ақпараттар алмасумен және кеңес берумен айналысады. Комиссия отырысы жылына екі рет өтеді. Оның шешімі нұсқаулық сипатқа ие. Комиссия төрағалары Қазақстан жағынан Бағила Баймағамбетова, ал Ресей жағынан Ахмед Билалов болып табылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Санкт-Петербургте Қазақстан-Ресей палатааралық парламенттік комиссияның жетінші отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.