АСТАНА. 9 - сәуір. Kazakhstan Today. Бүгін Санкт-Петербургте Шанхай ынтымақтастық ұйымдарына мүше мемлекеттердің жоғарғы сот өкілдерінің кезекті кеңесі ашылды, оған бес елдің өкілдері қатысады. Бұл туралы Kazakhstan Today агенттігінің тілшісіне Қазақстан Республикасы Жоғарғы сотының баспасөз қызметінен хабарлады.
"Форумда ұлттық соттардың халықаралық құқық нормаларын пайдалану, есірткіге және экстремизмге байланысты қылмыстар туралы істер жөніндегі сот практикасының проблемаларын талқылауға ұсыныс жасалған",- деп нақтылап өтті Қазақстан Республикасының Жоғарғы сотының баспасөз қызметіндегілер. Баспасөз қызметің ақпараттарына сүйенсек, қазақстандық делегацияны Жоғарғы соттың төрағасы Қайрат Мәми бастап барады.
Шанхай ынтымақтастық ұйымы "Шанхай бестігі" (Ресей, Қазақстан, Қырғызстан, Қытай және Тәжікстан) базасында аймақтағы қауіпсіздік мәселелерін бірлесіп шешу және сенім шараларын нығайту мақсатында 2001 жылы құрылған болатын. Ұйым шеңберіндегі ынтымақтастық саяси, экономикалық және мәдени-гуманитарлық ынтымақтастық саласында да таралған. ШЫҰ органдарының бірі министрліктер мен ведомстволар басшыларының кеңесі болып табылады. Өткен жылы ШЫҰ мүше елдердің парламент спикерлері мен жоғарғы соттарының бірінші кездесуі өткен болатын.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Санкт-Петербургте ШЫҰ мүше мемлекеттердің жоғарғы сот өкілдерінің кезекті кеңесі ашылды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.