Сенат ҚР бас прокуратурасы лауазымына ұсынылған Дауылбаевтың кандидатурасын мақұлдады
Бүгін Мемлекет басшысы Нұрсұлтан Назарбаевтың қатысуымен өтіп жатқан Парламент Сенатының жалпы отырысында депутаттар Елбасының ҚР Бас прокуроры лауазымына Асхат Дауылбаевты тағайындау туралы ұсынысын бірауыздан қолдады., деп хабарлайды Kazakhstan Today агенттігінің тілшісі.
Астана. 15 - сәуір. Kazakhstan Today - Бүгін Мемлекет басшысы Нұрсұлтан Назарбаевтың қатысуымен өтіп жатқан Парламент Сенатының жалпы отырысында депутаттар Елбасының ҚР Бас прокуроры лауазымына Асхат Дауылбаевты тағайындау туралы ұсынысын бірауыздан қолдады., деп хабарлайды Kazakhstan Today агенттігінің тілшісі.
Естеріңізге сала кетсек, 2009 жылдың 3-сәуірінен бері ҚР бас прокуроры қызметін атқарып келген Қайрат Мами бүгін парламент сенатының спикері болып сайланған болатын.
"Асхат Дауылбаев Ресейдің Свердловск қаласындағы Руденко атындағы институтын бітірген. Ол ұзақ жылдар бойы құқық қорғау саласында қызмет етіп келеді. А. Дауылбаев қызмет жолында Иділет вице-министрі, Мәжіліс депутаты сияқты жауапты қызметтер атқарған. Соңғы 11 жыл бойы ол Бас прокурорыдың орынбасары қызметін атқарып келеді. А. Дауылбаев өте сауатты, еліміздің мүддесін барынша қорғап келе жатқан азамат. Сондықтан ол, осы қызметке лайықты деп есептеймін",- деп атап көрсетті Мемлекет басшысы Н. Назарбаев.
Фото: prokuror.kz.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.