Сенат төрағасы БҰҰ жүйесінің үйлестіруші-резиденті, БҰҰ Даму бағдарламасының Қазақстандағы өкілдігінің басшысын қабылдады
Сенат төрағасы БҰҰ жүйесінің үйлестіруші-резиденті, БҰҰ Даму бағдарламасының Қазақстандағы өкілдігінің басшысын қабылдады
Астана. 11 желтоқсан. "Қазақстан бүгін" - Бүгін сенат төрағасы Қасым-Жомарт Тоқаев БҰҰ жүйесінің үйлестіруші-резиденті, БҰҰ Даму бағдарламасының Қазақстандағы өкілдігінің басшысы Хаолянь Шуды қабылдады.
Кездесу барысында тараптар сенат пен БҰҰ Даму бағдарламасы біздің еліміздегі кеңсесінің арасындағы өзара қарым-қатынастардың қол жеткен деңгейіне қанағаттанғандық білдірді.
"Қазақстан парламентіне техникалық жәрдем" жобасының жүзеге асуы табысты ынтымақтастықтың жемісі болып табылады, деді ол.
Төраға 2009 жылы 1-2 шілдеде Астанада өтетін Илемдік және дәстүрлі діндер лидерлерінің ІІІ съезін өткізу туралы хабардар етті. Ол БҰҰ-ның техникалық тұрғыдағы белсенді жәрдемімен өтетін болады.
БҰҰ Даму бағдарламасының Қазақстандағы тұрақты өкілі өз кезегінде ұйымның біздің елдегі таяудағы қызметінің жоспарлары туралы әңгімеледі. Оның айтуынша, гендерлік саясат, экологиялық саланы дамыту мәселелеріне назар аударылатын болады.
Біздің еліміздегі БҰҰ Даму бағдарламасы өкілдігінің басшысы сенат төрағасына оның БҰҰ-ның Қазақстандағы қызметіне қосқан зор үлесі мен ұйымның қағидаларына айнымастығын танудың белгісі ретінде Құрмет грамотасын табыс етті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.