Сенат төрағасы Ватиканның Қазақстан мен Орталық Азиядағы елшісін еліміздегі алты жылдық дипломатиялық миссиясының аяқталуына байланысты қабылдады
Сенат төрағасы Ватиканның Қазақстан мен Орталық Азиядағы елшісін еліміздегі алты жылдық дипломатиялық миссиясының аяқталуына байланысты қабылдады
Астана. 27 ақпан. "Қазақстан Бүгін" - Бүгін Қазақстан Республикасы парламенті сенатының төрағасы Қасым-Жомарт Тоқаев апастол нунцийі, Ватиканның Қазақстан Республикасы мен Орталық Азиядағы елшісі, архиеписоп Юзеф Весоловскиді оның біздің еліміздегі алты жылдық дипломатиялық миссиясының аяқталуына байланысты қабылдады, деп хабарлайды агенттік тілшісі сенаттың баспасөз қфызметіне сілтеме жасап.
Баспасөз қызметінің ақпаратына сәйкес, Қ.Тоқаев Киелі тақ елшісінің екіжақты қарым-қатынастарды дамытуға қосқан зор үлесі үшін алғыс айта отырып, Илемдік және дәстүрлі діндер лидерлерінің Съезін өткізу жөніндегі біздің еліміздің бастамасын қолдағаны үшін Ватикан басшылығына ризашылық білдірді. Ондағы өзара іс-қимылдың аясында Қазақстан мен Ватикан арасындағы ынтымақтастық басым бағыттардың бірі болып табылатыны айтылды.
Юзеф Весоловски өз кезегінде Қазақстан сенатының басшысына бейбітшілік пен жаһандық деңгейдегі конфессияаралық келісімді нығайту жөніндегі біздің еліміздің күш-жігерін Ватикан алдағы уақытта да белсенді түрде қолдап отыратынын атап өтті.
Қазақстан мен Ватикан арасындағы ынтымақтастықты дамыту және нығайтуға қосқан зор үлесі үшін Қасым-Жомарт Тоқаев Киелі тақ нунцийіне алғыс хат табыс етті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.