Серік Ахметов бастаған үкіметтік делегация Германия Федеративтік Республикасында жұмыс сапарымен жүр
Үкіметтік делегация сапар аясында бүгін Ганновер өнеркәсіптік көрмесінде болып, жоғары технологиялар, инновациялар және өнеркәсіпті автоматтандыру саласындағы жетістіктермен танысты.
Астана. 24-сәуір. Kazakhstan Today - Үкімет басшысының бірінші орынбасары Серік Ахметов бастаған үкіметтік делегация Германия Федеративтік Республикасында жұмыс сапарымен жүр, деп хабарлайды Kazakhstan Today агенттігінің тілшісі.
Үкіметтік делегация сапар аясында бүгін Ганновер өнеркәсіптік көрмесінде болып, жоғары технологиялар, инновациялар және өнеркәсіпті автоматтандыру саласындағы жетістіктермен танысты.
С.Ахметов бастаған делегация көрмеде бірқатар германиялық және еуропалық компаниялардың басшылығымен екіжақты кездесулер және келіссөздер өткізді. Келіссөздер барысында Қазақстанның инвестициялық мүмкіндіктері және Үдемелі индустриялық-инновациялық даму бағдарламасының негізгі міндеттері таныстырылды.
Делегация мүшелері ертең ГФР-дың өнеркәсіптік кәсіпорындарын аралайды және Фраунгофер институты ғылыми-зерттеу орталығының басшылығымен кездеседі.
Үкіметтік делегацияның жұмыс сапары Берлинде жалғасады. Онда С.Ахметов ІІІ жалпыгерманиялық Шикізат конгресіне қатысады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.