Сеулде қазақстандық дипломаттар қайырымдылық жәрмеңкесіне қатысты
Шараға оңтүстіккореялық министрліктер мен ведомстволардың, шағын және орта бизнестің өкілдері, дипломатиялық корпус, оның ішінде қазақстандық дипломаттар да қатысты, деп хабарлады ҚР СІМ баспасөз қызметі.
Сеул. 19-қазан. Kazakhstan Today - 17 қазанда Сеулде Корея Республикасының Қызыл Крест кеңсесі ұйымдастырған қайырымдылық жәрмеңкесі болып өтті, деп хабарлайды Kazakhstan Today агенттігінің тілшісі.
Шараға оңтүстіккореялық министрліктер мен ведомстволардың, шағын және орта бизнестің өкілдері, дипломатиялық корпус, оның ішінде қазақстандық дипломаттар да қатысты, деп хабарлады ҚР СІМ баспасөз қызметі.
Қазақстандық павильондарда ең көп жиналған қаражаттар табиғи апаттары құрбандарын, тұрмысы төмен жандарды, ата-анасының қарауынсыз қалған немерелерін өсіріп отырған зейнеткерлерді қолдау қорына аударылатын болады.
Корей халқының жоғары белсенілігін атап өту қажет. Олар қоғам өмірінің барлық саласына, елдің ішіндегіден тысқары осындай шараларға да белсене қатысып отырады. Олардың ішінде әртүрлі әлеуметтік акцияларды, тегін білім курстарын, күрделі хирургиялық қайырымдылық операцияларын атап өтуге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.