Шанхай ынтымақтастығы ұйымы Банкаралық бірлестігінің мүшелері бірқатар құжаттарды қабылдады
Шанхай ынтымақтастығы ұйымы Банкаралық бірлестігінің мүшелері бірқатар құжаттарды қабылдады
Алматы. 16 маусым. "Қазақстан Бүгін" - Шанхай ынтымақтастығы ұйымы Банкаралық бірлестігінің мүшелері кеше өткен кеңестің мәжілісінде бірқатар құжаттарды қабылдады. Шанхай ынтымақтастығы ұйымы Банкаралық бірлестігі кеңесінің отырысы кеше Екатеринбург қаласында "Ресейдің даму және сыртқыэкономикалық қызмет банкі (Внешэкономбанк)" мемлекеттік корпорациясының төрағасы Владимир Дмитриевтің төрағалығымен өтті, деп хабарлайды "Қазақстан Бүгін" агенттігі Шанхай ынтымақтастығы ұйымының орталық интернет-порталына сілтеме жасап.
Атап айтсақ, Шанхай ынтымақтастығы ұйымының жанындағы бақылаушы мемлекеттердің қаржылық институттарымен өзара ынтымақтастық жөніндегі ережеге және Шанхай ынтымақтастығы ұйымы Банкаралық бірлестігінің жанындағы бақылаушы-банк мәртебесі туралы ережеге, сондай-ақ, Шанхай ынтымақтастығы ұйымы Банкаралық бірлестігіне мүше-банктер арасында өзара тәжірибе алмасу және мамандар дайындау саласындағы ынтымақтастық туралы келісімге қол қойылды.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.