Шанхай ынтымақтастығы ұйымы елдерінің ТЖМ басшылары Өзбекстанда өзара ықпалдастықтың жайын талқылады
Шанхай ынтымақтастығы ұйымы елдерінің ТЖМ басшылары Өзбекстанда өзара ықпалдастықтың жайын талқылады
Алматы. 22 сәуір. Kazakhstan Today - Ташкентте 21 сәуірде Шанхай ынтымақтастық ұйымы елдерінің төтенше жадайлардың алдын алу және оның салдарын жою мәселелерімен айналысатын ведомстволары басшыларының бесінші кеңесі өтті, деп хабарлайды Kazakhstan Today UzDaily.uz басылымына сілтеме жасап.
Кеңеске Қазақстан, Қытай, Қырғызстан, Ресей, Тәжікстан және Өзбекстан елдерінің тиісті ведомстволарының өкілдері қатысты.
Кеңесте өткен жылы ШЫҰ елдерінде болған ірі төтенше оқиғалар мен олардан алынған сабақтар, сондай-ақ алдағы уақытта ондай жағдайлардың алдын алу шаралары туралы баяндамалар тыңдалды. Тараптар ұйым аясында төтенше жағдайларды ескерту және оның салдарын жою саласындағы ынтымақтастықтың перспективасы туралы пікір алмасты.
Кеңес қорытындысы бойынша хаттама қабылданды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.