АСТАНА. 2-шілде. Kazakhstan Today. Бішкекте 9 шілдеде Шанхай ынтымақтастығы ұйымына мүше мемлекеттердің Сыртқы істер министрлерінің кездесуі өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Е.Ашықбаевтың айтуынша, "Сыртқы істер министрлері ШЫҰ-ға мүше Мемлекеттер басшылары саммитіне (2007-жылғы 16 тамызда Бішкекке өтетін ) дайындық мәселелерін қарайды. Саммитте Мемлекет басшылары қол қоятын құжаттардың жобаларын, сонымен қатар халықаралық өзекті мәселелерді және ШЫҰ аумағындағы тұрақтылық пен қауіпсіздік мәселелерін талқылайды". Отырыс нәтижесі бойынша қорытынды құжатқа қол қойылады деп күтілуде, деді елші.
Сондай-ақ, осы кездесу қарсаңында 5-7 шілдеде Бішкекте Шанхай ынтымақтастығы ұйымына мүше мемлекеттердің Ұлттық үйлестірушілері кеңесінің отырысы өтеді.
Кездесу барысында Бішкек қаласында өтетін ШЫҰ Сыртқы істер министрлерінің кездесуіне дайындық мәселелері және аталған кездесу барысында қол қойылуға ұсынылатын құжаттарды келісу, сонымен қатар ШЫҰ шеңберіндегі өзге де мәселелер талқыланады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шанхай ынтымақтастығы ұйымына мүше мемлекеттердің Ұлттық үйлестірушілері мен Сыртқы істер министрлерінің кездесуі Бішкекте өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.