Шанхай ынтымақтастығы ұйымының аясында халықаралық автотасымалдарды дамытуға қолайлы жағдайлар жасау жөніндегі келісімнің жобасы Пекинде талқыланады
АСТАНА. 7-шілде. Kazakhstan Today. 9-12-тамыз аралығында Пекинде Шанхай ынтымақтастығы ұйымының аясында халықаралық автотасымалдарды дамытуға қолайлы жағдайлар жасау жөніндегі келісімнің жобасын талқылау жөніндегі сарапшылар тобының кездесуі өтеді. Бұл туралы Kazakhstan Today тілшісіне ҚР көлік және коммуникациялар министрлігінің баспасөз қызметі хабарлады.
Кездесу барысында келісім жобасының жаңа нұсқасы мен өзара түсіністік туралы меморандумның жобасын, келісім мен оған қосымша хаттамалардың жобаларын дайындау, оларға қол қою мен күшіне ену реті, сондай-ақ, меморандум жобасын келісу мен қол қою туралы талқылау көзделген.
Кездесуге еліміздің атынан ҚР көлік және коммуникациялар министрлігінің автокөлік транспорты басқармасы бастығының орынбасары Болат Алдабергенов пен ҚазАТО бас хатшысының орынбасары Александр Денисенко қатысады.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.