БІШКЕК. 6-шілде. Kazakhstan Today. Шанхай ынтымақтастығы ұйымының бас хатшысы Болат Нұрғалиев Қырғызстанның ұйымға мүше елдердің мемлекет басшыларының саммитіне дайындығын жоғары бағалады. Бұл туралы Б.Нұрғалиев бүгін Қырғызстан үкімет басшысы Алмазбек Атамбаевпен кездесуде атап өтті, деп хабарлайды Kazakhstan Today тілшісі осы елдің үкімет басшысының баспасөз қызметіне сілтеме жасап.
"Қырғызстанда Шанхай ынтымақтастығы ұйымының Бішкекте өтетін саммитіне дайындық барысында шараның мазмұны мен ұйымдастырылуы тұрғысынан күрделі жұмыстардың жүргізіліп жатқанын біз көріп отырмыз", -деді бас хатшы. "Біздің бұл бағыттағы бірлескен күш жігеріміз жемісін беруде", - деді Б. Нұрғалиев.
Өз кезегінде Қырғызстан үкімет басшысы А. Атамбаев республиканың " Шанхай ынтымақтастығы ұйымының шеңберіндегі ынтымақтастыққа айрықша маңыз беретінін" атап өтті. "Ағымдағы жылдың 16-тамызында Бішкекте өтетін Шанхай ынтымақтастығы ұйымының саммитін бүкіл еліміз болып үлкен жауапкершілікпен күтіп отыр, біз осынау маңызды жиынды лайықты ұйымдастырып өткізуге қамданып жатырмыз", - деді премьер-министр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шанхай ынтымақтастығы ұйымының бас хатшысы Қырғызстанның ұйымға мүше елдердің мемлекет басшыларының саммитіне дайындығын жоғары бағалады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.