АСТАНА. 11-қыркүйек. Kazakhstan Today. Шанхай ынтымақтастығы ұйымының үкімет басшылары кеңесінің отырысы 15-қыркүйекте Душанбеде өтеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
"Тараптар Шанхай ынтымақтастығы ұйымына мүше елдердің сауда-экономикалық ынтымақтастығына қатысты қазіргі ахуал мен оны дамыту перспективасын, сондай-ақ, Шанхай ынтымақтастығы ұйымы шеңберіндегі көп жақты сауда-экономикалық ынтымақтастық бағдарламасының жүзеге асырылу барысын талқылайды",- деді ол.
Сондай-ақ, кеңес барысында Шанхай ынтымақтастығы ұйымы іс-қызметінің ұйымдастырушылық және қаржылық тұстарын реттейтін бірқатар құжаттарға қол қойылады. Отырыс қорытындысы бойынша үкімет басшылары бірлескен қарар қабылдамақшы.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Шанхай ынтымақтастығы ұйымының үкімет басшылары деңгейіндегі саммиті 15-қыркүйекте Душанбеде өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.