Шанхай ынтымақтастық ұйымы мен Ұжымдық қауіпсіздік шарты ұйымы біріккен іс-әрекет жоспарына қол қояды
Шанхай ынтымақтастық ұйымы мен Ұжымдық қауіпсіздік шарты ұйымы біріккен іс-әрекет жоспарына қол қояды
Пекин. 5-желтоқсан. "Қазақстан Бүгін" - Шанхай ынтымақтастық ұйымы мен Ұжымдық қауіпсіздік шарты ұйымының бас хатшылары 2008 жылдың басында Пекиндегі кездесу кезінде екі ұйымның жақын уақыттағы біріккен іс-әрекет жоспарына қол қояды. Бұл туралы шешім Шанхай ынтымақтастық ұйымының бас хатшысының орынбасары Гао Юйшэн мен Ұжымдық қауіпсіздік шарты ұйымының бас хатшысы Николай Бордюжаның жүргізген келіссөздерінің қорытындысы бойынша қабылданды. Бұл туралы "Қазақстан Бүгін" агенттігінің тілшісіне Шанхай ынтымақтастық ұйымы Хатшылығының баспасөз қызметінен хабарлады.
"Алдымызда қазанда қол қойылған ұйымның өзара түсіністігі туралы меморандумды жүзеге асырудың екінші кезеңі күтіп тұр. Ол Жаңа жылдан кейін Пекинде жүргізілетін болады. Онда Шанхай ынтымақтастық ұйымы мен Ұжымдық қауіпсіздік шарты ұйымының бас хатшыларының кездесіп, тиісті келісімнен кейін іс-шара жоспарына қол қояды және де оларды жүзеге асыруға кіріседі",- деді Н. Бордюжа келіссөздердің аяқталуына орай жүргізілген баспасөз мәслихатында.
Оның айтуынша, іс-шаралар жоспарына қол қою алдында екі ұйымның басшылары Шанхай ынтымақтастық ұйымы мен Ұжымдық қауіпсіздік шарты ұйымының сыртқы саясат іс-қызметініңдегі ұстанымды, екі ұйымның іс-әрекетінде қайталануды болдырмауды келіседі, сонымен қатар біріккен ынтымақтастық туралы басқа да мәселелерді анықтайды.
Гао Юйшэн өз кезегінде: "Бүгін біздің ынтымақтастығымыздың бағыттары мен салаларын келешекте дамытуға, ынтымақтастық туралы басқа да хаттамаларға қол қоюға мүмкіндік беретін консультацияның бірінші кезеңі аяқталды", деді. Оның айтуынша, Шанхай ынтымақтастық ұйымы Ұжымдық қауіпсіздік шарты ұйымымен ынтымақтастық жасауға үлкен көңіл аударып отыр, себебі екі ұйымның біріккен іс-қызметі аймақтағы тұрақтылық пен қауіпсіздікке жетелейді. "Менің пайымдауымша, біз аймақтағы қауіпсіздік үшін өзіміздің әлеуеттілігімізді бірлесе отырып дамыта аламыз",- деп қорытындылады ол.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.