Шанхай ынтымақтастық ұйымына мүше елдердің арасындағы тауар айнылымы айтарлықтай өсуде - Оразбақов
Шанхай ынтымақтастық ұйымына мүше елдердің арасындағы тауар айнылымы айтарлықтай өсуде - Оразбақов
Астана. 24-қазан. "Қазақстан Бүгін" - Шанхай ынтымақтастық ұйымына мүше мемлекеттердің экономика министрліктері басшыларының кеңесі барысында ұйымға мүше елдердің арасындағы тауар айнылымы айтарлықтай өскендігі атап өтілді. Атап айтқанда, "Қазақстанда үстіміздегі жылдың сегіз айының қорытындысы бойынша тауар айналымы 18 млрд АҚШ долларын құрады, бұл өткен жылғы осы мерзімдегі көрсеткіштен 52 пайызға артық (қаңтар - тамыз - 11,8 млрд АҚШ доллары)". Бұл туралы Индустрия және сауда министрі Ғалым Оразбақов мәлім етті, деп хабарлайды "Қазақстан Бүгін" агенттігінің тілшісі.
Отырыс барысында Шанхай ынтымақтастық ұйымы аясындағы көп жақты экономикалық ынтымақтастықты одан әрі дамыту мәселелері жөнінде пікір алмасылды. "Барлық тараптар Шанхай ынтымақтастық ұйымына мүше мемлекеттердің арасындағы сауда-экономикалық ынтымақтастықты өсіру мүмкіндігі мен қажеттілігін атап өтті",- деді Ғ. Оразбақов.
"Біздің отырыс Шанхай ынтымақтастық ұйымына мүше мемлекеттердің үкімет басшылары кеңесінің Ташкентте 2-қарашада өтетін отырысы қарсаңында өтті",- деп қорытындылады Ғ. Оразбақов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.