Шығыс Қазақстан облысы Кореяның Кангвон провинциясымен жаңа технологиялар мен инвестиция салалары бойынша ынтымақтасу жөнінде уағдаласты
Облыс әкімінің ресми сайтында хабарланғандай, шілденің 25-29 аралығында Шығыс Қазақстан облысының делегациясы Кангвон провинциясында ресми сапармен болып қайтқан. Делегацияны Шығыс Қазақстан облысы әкімінің орынбасары Түсіпхан Түсіпбеков басқарған.
Өскемен. 2 тамыз. Kazakhstan Today - Шығыс Қазақстан облысы Корея Республикасының Кангвон провинциясымен туризм, жаңа технологиялар және инвестиция салалары бойынша ынтымақтасу жөнінде уағдаласты, деп хабарлайды Kazakhstan Today агенттігінің тілшісі.
Облыс әкімінің ресми сайтында хабарланғандай, шілденің 25-29 аралығында Шығыс Қазақстан облысының делегациясы Кангвон провинциясында ресми сапармен болып қайтқан. Делегацияны Шығыс Қазақстан облысы әкімінің орынбасары Түсіпхан Түсіпбеков басқарған.
"Сапар аясында 2011 жылы 25 шілдеде Корея Республикасының Кангвон провинциясы мен Қазақстан Республикасының Шығыс Қазақстан облысы арасында өзара түсіністік, достық және ынтымақтастық туралы меморандумға қол қойылды", - деп көрсетілген хабарламада.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.