Шимон Перес Елбасы Нұрсұлтан Назарбаевты Израильге сапармен келуге шақырды
Шимон Перес Елбасы Нұрсұлтан Назарбаевты Израильге сапармен келуге шақырды
Астана. 30 маусым. "Қазақстан Бүгін" - Израиль президенті Шимон Перес Елбасы Нұрсұлтан Назарбаевты Израильге үшінші мәрте сапармен келуге шақырды. Бұл туралы ол бүгін Ақордада мәлімдеді, деп хабарлайды "Қазақстан Бүгін" агенттігінің тілшісі.
"Мен осы мүмкіндікті пайдаланып, егер бізге үшінші рет сапармен келетін болса Израиль Мемлекеті Қазақстан басшысы Нұрсұлтан Назарбаевты қарсы алуға өте қуанышты болатынын айтқым келеді", деді Ш. Перес.
Ш. Перес алдағы уақытта Израиль мен Қазақстан арасындағы жақындасу жалғаса беретініне сенім білдірді. "Мен біздің елдер арасындағы жақындасу жалғасатынына және біздің елдеріміздің нығаюына ықпал ететін іс жүзінде үлесімізді қосатынымызға үміттімін", деді ол.
"Қазақстанда ешқашан да антисемитизм болған жоқ. Біз Қазақстанмен достығымызды жоғары бағалаймыз", деп толықтырды сөзін Израиль президенті.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.