ШЫҰ елдері Жоғарғы соттары төрағаларының кеңесіне ықпалдастықтың консультативтік тәсілі мәртебесі берілді - Мәми
ШЫҰ елдері Жоғарғы соттары төрағаларының кеңесіне ықпалдастықтың консультативтік тәсілі мәртебесі берілді - Мәми
Астана. 20 мамыр. "Қазақстан Бүгін" - ШЫҰ елдері Жоғарғы соттары төрағаларының кеңесіне ықпалдастықтың консультативтік тәсілі мәртебесі берілді. Бұл туралы ҚР Жоғарғы сотының төрағасы Қайрат Мәми бүгін өткен брифингте мәлім етті, деп хабарлайды агенттік тілшісі.
"ШЫҰ елдері Жоғарғы соттары төрағаларының кеңесінің жұмыс регламентіне қол қойдық, онда осы кеңестің мәртебесін айқындадық. Бұдан былай, регламент бекітілген соң ШЫҰ елдері Жоғарғы соттары төрағаларының кеңесі осы органның консультативтік-кеңес механизмі болмақ", - деді Қ. Мәми.
"Регламент ШЫҰ елдері Жоғарғы соттары төрағаларының кеңесін өткізу тәртібі мен процедурасын айқындайды", - деді Қ. Мәми.
Оның айтуынша, шараға қатысушылар бірлескен мәлімдемеге қол қойды. Бұл құжатқа сәйкес тараптар соттардың экологиялық және көші-қон заңнамаларын қолдану тәжірибесі мәселелері бойынша ынтымақтастықты нығайтуға келісті. "Бұл аса маңызды, өйткені, бүгінде ол тек Қазақстан үшін ғана емес, барлық ШЫҰ елдері үшін өзекті", -деді төраға.
"Астанадағы кездесу жоғары деңгейде өткізілді, үшінші кеңеске қатысушылардың арасында конструктивті пікір алмасылды", - деді Қ. Мәми.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.