ШЫҰ Есірткіге қарсы стратегиясын қабылдау есірткінің заңсыз айналымымен күресуге ықпал етеді
"ШЫҰ-ның 2011-2016 жылдарға арналған Антитеррорлық стратегия қабылдау есірткінің заңсыз айналымымен күреске бағытталған шаралардың тиімділігін арттыруға ықпал етеді",- деді Н. Назарбаев.
Алматы. 11-маусым. Kazakhstan Today - ШЫҰ-ның 2011-2016 жылдарға арналған Антитеррорлық стратегия қабылдау есірткінің заңсыз айналымымен күреске бағытталған шаралардың тиімділігін арттыруға ықпал етеді. Бұл туралы бүгін Ташкентте ШЫҰ мүше мемлекеттер басшыларының Кеңесінде ҚР президенті Н.Назарбаев мәлім етті, деп хабарлайды Kazakhstan Today агенттігі ресми БАҚ сілтеме жасай отырып.
"ШЫҰ-ның 2011-2016 жылдарға арналған Антитеррорлық стратегия қабылдау есірткінің заңсыз айналымымен күреске бағытталған шаралардың тиімділігін арттыруға ықпал етеді",- деді Н. Назарбаев.
"Қазақстан ШЫҰ-ға мүше мемлекеттердің бірлескен күш-жігерін есірткінің заңсыз айналымымен күрес жөніндегі өңірлік құрылымдардың төңірегінде топтауды ұсынады. Орталық Азиялық өңірлік ақпараттық-үйлестіру орталығы есірткінің заңсыз айналымымен күрес жөніндегі ғаламдық желінің маңызды элементі бола алады. Біздің барлығымыз Ауғанстаннның орнықты және тұрақты дамуын қалаймыз. Орталық Азия өңіріндегі және жалпылама әлемдегі бейбітшілік пен қауіпсіздік бұл елдегі жағдайдың қалыпқа түсуіне байланысты", - деді Н. Назарбаев.
Қазақстан Президентінің пікірінше, Ауғанстанды ШЫҰ кеңістігіндегі интеграциялық үдерістерге, экономикалық және гуманитарлық ынтымақтастыққа, соның ішінде "ШЫҰ-Ауғанстан" байланыс тобы желісі бойынша, белсендірек тарту маңызды. "ШЫҰ мен Ауғанстанның терроризммен, есіркінің заңсыз айналымымен және ұйымдасқан қылмыспен күрес проблемалары жөніндегі іс-қимыл жоспарын тиімді іске асырудың маңызы өте зор", - деді Елбасы.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.