АСТАНА. 14-қараша. Kazakhstan Today. Швейцария келешекте Қазақстанда елшілік ашу мүмкіндігін қарастыруда. Бұл туралы Швейцария СІМ мемлекеттік хатшысының орынбасары Антон Тельман кеше Берн қаласында ҚР СІМ-нің бірінші орынбасары Рахат Илиевпен кездесуде құлағдар етті.
"Швейцария елдің екпінді дамуы мен өңірдегі ролінін күшею факторларын ескеру негізінде Қазақстанмен арадағы қарым-қатынаты жан-жақты тереңдете түсуден мүдделі. Осыған байланысты Берн елдегі дипломатиялық деңгейін көтеру, келешекте Қазақстанда елшілік ашу мүмкіндігін қарастыруда", деген А.Тельманның сөзіне еліміздің СІМ өз хабарламасында сілтеме жасайды.
Бернде өткен консультациялардың барысында екі елдің сыртқы істер министрліктері Қазақстан мен Швейцария арасындағы саяси және экономикалық ынтымақтастықтың деңгейін жоғары бағалап, халықаралық өзекті проблемалар кешені бойынша екі елдің ұстаным-көзқарасы бірдей екенін атап өтті.
Бұған қоса келіссөздерде екі жақты ынтымақтың басым бағыттары, соның ішінде сауда-экономика, көші-қон, қоршаған ортаны қорғау, көпжақты институттар шеңберіндегі ықпалдастық жайы талқыланды.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Швейцария Қазақстанда елшілік ашу мүмкіндігін қарастыруда
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.