АСТАНА. 12 қазан . Kazakhstan Today. Сыртқы істер министрі Қасымжомарт Тоқаев Астанада Қазақстандағы Польша республикасының елшісі Владыслав Соколовскиді қабылдады. Бұл жөнінде Kazakhstan Today агенттігіне ҚР СІМ баспасөз қызметінен хабарлады.
Кездесу кезінде Қазақстан мен Польшаның түрлі саладағы ынтымақтастығы мәселесі талқыланды. Сауда экономикалық қарым-қатынастың келешегі бар бағыттарын кеңейту туралы да мәселе қозғалды. Саяси диалогты нығайту мәселесіне тоқталған дипломаттар жоғары деңгейде кездесу өткізу мақсатында екі елдің сыртқы істер ведомствалары арасында кеңес беру жұмыстарын жүргізу туралы шешім қабылдады.
Күндіз үкімет басшысы бірқатар екі жақты кездесулер өткізді.
Норвегия СІМ мемлекеттік хатшысы Кьетил Скуграндпен болған кездесуде дипломаттар екі жақты қарым-қатынасты, оның ішінде экология, энергетика саласында , жаhандық және аймақтық қауіпсіздікті нығайту, Ауғанстандағы жағдайды тұрақтандыру мәселелерін одан әрі дамытуды талқылады. Тараптар белгілі салаларда, атап айтқанда, энергетика саласында ынтымақтастықты дамытудың келешегі барын атап өтті.
Қазақстанның Орталық Азиядағы орнының ерекшелігіне тоқталған К. Скугранд Норвегияның іскер ортасының қазақстандық әріптестерімен тығыз қарым-қатынас жасауға ықтияр екендігін жеткізді.
Біздің елдің ЕО ынтымақтастығы жөніндегі мәселе ЕО жаңадан тағайындалған Орталық Азия елдері бойынша Арнаулы өкілі Пьер Морелмен талқыланды. Қ.Тоқаев Қазақстанның Еуропалық одақпен арадағы серіктестіктің дамуын қолдайтындығын растады, бұл біздің елдің сыртқы саяси басымдықтарының бірі. Сонымен қатар, дипломат Қазақстанның Орталық Азиядағы ролі мен салмағын ескере отырып, Еуропалық одақпен осы аймақтың арасындағы қарым -қатынасты дамыту бағыттарының мүмкіндігі мен болашағы тұрғысындағы ойымен бөлісті.
Сондай-ақ , ҚР СІМ жаңадан тағайындалған Нидерландының елшісі Клаас ван дер Темпелді қабылдады. Қ. Тоқаев Голландия дипломатын жаңа жұмысымен құттықтап, екі жақты ынтымақтастық мәселелерін талқылады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
СІМ бірқатар екі жақты кездесулер өткізді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.