Сингапур президенті Селлапан Рама Қазақстанның табыстарына жоғары баға берді
Сингапур президенті Селлапан Рама Қазақстанның табыстарына жоғары баға берді
Астана. 18 ақпан. "Қазақстан Бүгін". - Сингапур президенті Селлапан Рама Қазақстанның қысқа мерзімде қол жеткізген табыстарына жоғары баға берді, деп хабарлайды агенттік ҚР СІМ-нің баспасөз қызметіне сілтеме жасап.
"Сингапур президенті Селлапан Рама Қазақстанның тарихи қысқа мерзімде қол жеткізген табыстарына жоғары баға бере отырып, елді экономикалық және саяси тұрғыдан реформалауда президент Нұрсұлтан Назарбаевтың шешуші роль атқарғанын атап өтті. Бұл туралы Сингапур президенті 18 ақпанда Қазақстан Республикасының Сингапурдағы төтенше және өкілетті елшісі Ерлан Баударбек-Қожатаевтың сенім грамотасын қабылдау рәсімінде айтты", -делінген СІМ таратқан хабарламада.
Р.С.Натан Қазақстан президенті Нұрсұлтан Назарбаевтың 2003 жылғы Сингапурға сапары екі ел арасындағы қарым-қатынасты дамытуға үлкен серпін бергенін жеткізді. Аралдағы мемлекеттің басшысы "маңызды геосаяси орындағы әрі ірі энергия экспорттаушы ел ретінде Қазақстанның сындарлы әрі тепе-тең сыртқы саясат жүргізіп отырғанын" атай келе, Қазақстан мен Сингапур арасында сауда-экономикалық және инвестициялық ынтымақтастықты дамытуда ауқымды әлеует бар екеніне баса назар аударды.
Сұхбат барысында Қазақстан елшісі Сингапур перзидентіне мемлекет басшысының Қазақстан халқына арнаған "Қазақстан халқының әл-ауқатын арттыру - мемлекеттік саясаттың басты мақсаты" атты биылғы жолдауының басты қағидалары жайында әңгімелеп берді. Тараптар екі ел арасындағы ынтымақтастықтың қазіргі ахуалы мен келешек бағыттары жайлы талқылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.