АСТАНА. 19 - маусым. Kazakhstan Today. Сыртқы істер министрі Марат Тәжин Үндістанның, Оман Сұлтандығының және Польшаның Қазақстандағы жаңадан тағайындалған елшілерін қабылдады. Бұл туралы Kazakhstan Today агенттігінің тілшісіне Сыртқы істер министрлігінің баспасөз қызметінен хабарлады.
Баспасөз қызметінің ақпараттарына сүйенсек, Марат Тәжин Үндістан елшісі - Ашока Саджанхарды, Оман Сұлтандығының елшісі Ахмад Бен Насер Аль-Махравиді, Польша Республикасының елшісі Павель Чеплакты, сондай-ақ Қазақстандағы Біріккен Ұлттар Ұйымы жүйесінің үйлестіруші резиденті Хаолянь Шуды қабылдады.
"Қазақстанның сыртқы саясат мекемесінің басшысы шетелдік дипломаттарды жаңадан тағайындалуларымен құттықтай отырып, олармен сауда-экономикалық ынтымақтастықтың келешегі бар бағыттарын, сондай-ақ халықаралық ұйым аясындағы өзара ықпалдастық мәселелерін талқылады",- деп қосты баспасөз қызметіндегілер.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Сыртқы істер министрі Үндістанның, Оман Сұлтандығының және Польшаның Қазақстандағы жаңадан тағайындалған елшілерін қабылдады
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.