АСТАНА. 5-ақпан. Kazakhstan Today. 6-7-ақпанда Солтүстік Атлантикалық Альянс бас хатшысының Орталық Азия және Кавказ жөніндегі арнаулы өкілі Роберт Симмонс жұмыс сапарымен Астанада болады.
Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Kazakhstan Today тілшісі.
Елшінің айтуынша, сапар аясында Р.Симмонс бірқатар министрліктер мен мекемелердің, соның ішінде Қауіпсіздік кеңесі, төтенше жағдайлар министрлігі, қорғаныс министрлігі мен сыртқы істер министрліктерінің басшылығымен екі жақты келіссөздер жүргізеді. "Кездесулердің мақсаты - Қазақстан мен Солтүстік Атлантикалық Альянс арасындағы екі жақты ынтымақтастықты дамытуға қатысты ағымдағы мәселелерді талқылау",- деді ол.
Сапар аясында Р.Симмонс парламент мәжілісі мен сенатында да бірқатар кездесулер өткізеді. Сапар бағдарламасында сонымен қатар Л.Гумилев атындағы Еуразия Ұлттық университетінде болып, осы оқу ордасының оқытушы-студенттерімен кездесу де жоспарланған.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Солтүстік Атлантикалық Альянс бас хатшысының Орталық Азия және Кавказ жөніндегі арнаулы өкілі елімізге келеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.