АСТАНА. 7-ақпан. Kazakhstan Today. Солтүстік Атлантикалық альянс пен Қазақстан арасындағы серіктестік іс-шараларының жеке жоспары Солтүстік Атлантикалық альянс бас хатшысының Орталық Азия мен Кавказ елдері жөніндегі арнайы өкілі Роберт Симмонстың Қазақстанға сапары барысында айтылған жаңа ұсыныстармен толықтырылады. Бұл туралы Р. Симмонс бүгін Астанада Қазақстанның сыртқы істер министрі Марат Тәжинмен жүргізген келіссөзден кейін мәлім етті, деп хабарлайды Kazakhstan Today агенттігінің тілшісі.
"Сапар барысында екі ел тарапынан да жаңа ұсыныстар айтылды, енді біз осы ұсыныстарды аталмыш бағдарламаға "қамтуға" тырысамыз",- деді Р. Симмонс.
"Солтүстік Атлантикалық альянс пен Қазақстан арасындағы серіктестік іс-шараларының жеке жоспары қабылданғаннан бері, міне, бір жыл өтті, сондықтан да наурыз айында оның орындалу барысын бағаламақпыз",- деді Солтүстік Атлантикалық альянстың арнайы өкілі.
Солтүстік Атлантикалық альянс өкілі, өзінің осы сапары Қазақстан үкіметіндегі басты министрліктердегі жаңа тағайындауларға негізделгендігін атап өтті. "Сіздің президент жуықта Солтүстік Атлантикалық альянспен жақсы ынтымақтастық жасап отырған ведомстволарға жаңа министрлерді тағайындады. Мен республикаға сол тұлғалармен жекелей танысуға және де біздің серіктестігімізді одан әрі нығайтуға келдім",- деді Р. Симмонс.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Солтүстік Атлантикалық альянс пен Қазақстан арасындағы серіктестік іс-шараларының жеке жоспары жаңа ұсыныстармен толықтырылады - альянс өкілі
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.