Солтүстік Атлантикалық альянстың парламенттік ассамблеясының президенті Қазақстанға ресми сапармен келеді
Солтүстік Атлантикалық альянстың парламенттік ассамблеясының президенті Қазақстанға ресми сапармен келеді
Астана. 9 маусым. "Қазақстан Бүгін" - Солтүстік Атлантикалық альянстың парламенттік ассамблеясының президенті Жозе Лелло Қазақстанға ресми сапармен келеді. Бұл туралы бүгін журналистерге арнап өткізілген қысқаша баспасөз мәслихатында ҚР СІМ-нің ресми өкілі Ержан Ашықбаев құлағдар етті,- деп хабарлайды Қазақстан Бүгін тілшісі.
"Солтүстік Атлантикалық альянстың парламенттік ассамблеясының президенті алғаш рет 9-12-маусымда Қазақстанға ресми сапармен келеді ", - деді Е. Ашықбаев.
Оның айтуынша, сапар барысында Ж. Лелло ел басшылығымен жүздеседі деп жоспарланған. "Кездесулер барысында Ауғанстандағы ахуалдың дамуына Қазақстанның беріп отырған бағасы, өңірлік қауіпсіздік мәселелері, Қазақстанның алдағы ЕҚЫҰ-ына төрағалық жасауына байланысты Солтүстік Атлантикалық альянстың ЕҚЫҰ-мен ынтымақтастығының келешегі секілді мәселелер талқыланады", - деді СІМ өкілі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.