АСТАНА. 11-қыркүйек. Kazakhstan Today. Қорғалжың және Наурызым қорықтарын қамтитын "Сарыаоқа - Солтүстік Қазақстанның көлдері мен далалары" аймағы Бүкіләлемдік табиғи және мәдени мұралар тізіміне енгізілуі мүмкін. Бұл туралы ЮНЕСКО-ның бас хатшысы Коичирро Мацуура ҚР СІМ Қасымжомарт Тоқаевпен кездесуден кейінгі баспасөз мәслихатында құлағдар етті, деп хабарлайды Kazakhstan Today тілшісі.
"Біз Алматы қаласының әкімі әрі ЮНЕСКО істері жөніндегі ҚР Ұлттық комиссиясының төрағасы Иманғали Тасмағамбетовпен бірге "Сарыарқа" қорық аймағында болдық. Біз оны Бүкіләлемдік табиғи мұралардың тізіміне енгізу туралы мәселе төңірегінде оң шешім қабылдаймыз деп сенемін",- деді К.Мацуура.
Ол сондай-ақ ҚР СІМ-мен кездесуде Қазақстан мен ЮНЕСКО арасындағы ынтымақтастық туралы келісімге қол қойылғанын хабарлады.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Солтүстік қазақстандық қорықтар Бүкіләлемдік табиғи мұралар тізіміне енгізілуі мүмкін - ЮНЕСКО-ның бас хатшысы
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.