Ташкентте Қазақстан мен Өзбекстан арасында әуе рейстерін ұлғайту мүмкіндігі талқыланды
Ташкентте Қазақстан мен Өзбекстан арасында әуе рейстерін ұлғайту мүмкіндігі талқыланды
Ташкент. 9 сәуір. "Қазақстан Бүгін" - Ташкентте Қазақстан Республикасының Өзбекстандағы төтенше және өкілетті елшісі Зауытбек Тұрысбеков және "Өзбекістон хаво йуллари" Ұлттық әуе компаниясының бас директоры Валерий Тян Қазақстан мен Өзбекстан арасында әуе рейстер санын ұлғайту және олардың географиялық ұшу ауқымын кеңейту мүмкіндіктерін тақылады. Бұл туралы агенттікке Қазақстан Республикасының Өзбекстан Республикасындағы елшілігінің баспасөз қызметі хабарлады.
Баспасөз қызметінің ақпараты бойынша, кездесу кезінде Қазақстан мен Өзбекстанның азаматтық авиация саласындағы екі жақты қарым қатынастарының тиімділігі мен болашағы талқыланды.
"Мемлекет арасындағы тауар айналымының және екі елдің кәсіпкерлері арасындағы іскерлік қатынастардың дамуын ескере отырып, екі жақ Қазақстан мен Өзбекстан арасындағы әуе рейстер санын ұлғайтып, олардың географиялық ұшу ауқымын кеңейту мүмкіндіктерін атап өтті ", - деп хабарлайды елшіліктің баспасөз қызметі.
Бүгінгі кезде ұлттық әуе компаниясы Ташкент - Алматы - Ташкент бағытында аптасына бес рейс жасаса, Ташкент - Астана - Ташкент әуе жолындағы бағытымен аптасына екі рет ұшақ ұшырады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.