Ташкентте Қазақстан және Өзбекстан арасындағы екіжақты ынтымақтастық бойынша үкіметаралық комиссияның ХІІ отырысы өз жұмысын бастайды
Түске дейін Қ.Көшербаевтың ӨР Премьер-Министрінің бірінші орынбасары - Қаржы министрі Рустам Изімовпен екіжақты кездесуі өтті. Тараптар екі елдің өзара іс-қимылдарының өзекті мәселелерін талқылады.
Ташкент. 29-қараша. Kazakhstan Today - Ташкентте Қазақстан және Өзбекстан арасындағы екіжақты ынтымақтастық бойынша үкіметаралық комиссияның ХІІ отырысы өз жұмысын бастайды, деп хабарлайды Kazakhstan Today агенттігінің тілшісі.
ҚазАқпарат агенттігінің хабарлауынша, Өзбекстан астанасына Қазақстаннан ҚР Премьер-Министрінің орынбасары Қырымбек Көшербаев бастаған делегация келді.
Түске дейін Қ.Көшербаевтың ӨР Премьер-Министрінің бірінші орынбасары - Қаржы министрі Рустам Изімовпен екіжақты кездесуі өтті. Тараптар екі елдің өзара іс-қимылдарының өзекті мәселелерін талқылады.
Одан кейін екіжақты ынтымақтастық бойынша үкіметаралық комиссия сарапшыларының отырысы басталды, одан кейін үкіметаралық комиссияның ХІІ отырысының ресми ашылуы жоспарлануда.
Күн тәртібіне инвестиция тарту, теміржол көлігі мен азаматтық авиация, электр-энергетикалық сала, су саласы және тағы басқалар сияқты екіжақты қарым-қатынастың бірқатар маңызды мәселелері шығарылды.
Қазақстан Республикасы кедендік статистикасының мәліметтерінше, 2012 жылдың 9 айы бойынша Қазақстанның Өзбекстанмен тауар айналымының көлемі 1 млрд. 497,7 млн. АҚШ долларын құрады, бұл 2011 жылдың сәйкес кезеңімен салыстырғанда 11,3 пайызға көп (1 млрд. 346,1 млн. АҚШ доллары).
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.