АСТАНА. 25-қыркүйек. Kazakhstan Today. Қыркүйектің 25-29 күндері Ташкентте қазақ-өзбек мемлекеттік шекарасының шегін белгілеу жөніндегі бірлескен комиссия аясында Қазақстан мен Өзбекстанның үкіметтік делегацияларының жалпы мәжілісі өтеді, деп хабарлайды Kazakhstan Today тілшісі.
ҚР Сыртқы істер министрлігінің ресми өкілі Ержан Ашықбаевтың айтуынша, мәжілістің күн тәртібінде биылғы жылдың жазында өткізілген демаркациялау жұмыстарының нәтижелері, демаркациялауға қатысты жұмыс құжаттарын әзірлеу барысы, тиісті демаркациялау карталарын әзірлеу мен шығару, қазақ-өзбек мемлекеттік шекарасының кейбір учаскелерін екі мемлекеттің шекара қорғау қызметтеріне уақытша тапсыруды дайындау, Сарыағаш ауданындағы Жартытөбе мекенінің маңындағы шекара аймағында өзбек бөгеттерін алу сынды мәселелерді қарастыру жоспарлануда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Ташкентте үкіметтік өкілдер қазақ-өзбек мемлекеттік шекарасын демаркациялау мәселесін талқылайды
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.