Тәжікстан президенті Душанбеде ШЫҰ-ның өңірлік есірткіге қарсы орталығын ұйымдастыруды ұсынады
Тәжікстан президенті Душанбеде ШЫҰ-ның өңірлік есірткіге қарсы орталығын ұйымдастыруды ұсынады
Душанбе. 28 шілде. "Қазақстан Бүгін" - Тәжікстан президенті Эмомали Рахмон Душанбеде ШЫҰ-ның өңірлік есірткіге қарсы орталығын ұйымдастыруды ұсынады. Бұл ұсынысты ол жұма күні Шанхай ынтымақтастық ұйымы елдерінің сыртқы істер министрлерімен кездесу барысында жариялады, деп хабарлайды "Қазақстан Бүгін" агенттігінің тілшісі "Азия-Плюс" ақпарат агенттігіне сілтеме жасай отырып.
"Э. Рахмон Душанбеде есірткі заттарының өндірісімен және заңсыз айналымымен күрес жөніндегі ШЫҰ-ның өңірлік орталығының ұйымдастырылуын ұсынды. Оның пайымдауынша, өңірлік қауіпсіздікті нығайту үшін Ауғанстанды ынтымақтастыққа бұдан да гөрі жақсы тартып, оған мақсатты атаулы көмек көрсету қажет", - деп хабарлады Тәжікстан президентінің баспасөз қызметі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.