Тәжікстанның арнайы өкілдері Таулы Бадахшанда Ауғанстанның есірткі контрабандистері жаудырған оғы астында қалды
Тәжікстанның арнайы өкілдері Таулы Бадахшанда Ауғанстанның есірткі контрабандистері жаудырған оғы астында қалды
Душанбе. 23 мамыр. "Қазақстан Бүгін" - Тәжікстан президенті жанындағы есірткіні бақылау жөніндегі агенттігі (ЕБА)басқармасының қызметкерлері мен ұлттық қауіпсіздік мемлекеттік комитетінің бас шегара басқармасының әскери қызметкерлері Таулы Бадахшан автономиялы облысында Тәжікстанға Ауғанстаннан тасымалданатын есірткіге тосқауыл қоюдың кезекті операциясын жүргізу кезінде шегараның дарваз учаскесінде ауғанстанның есірткі контрабандистері жаудырған оғы астында қалды, деп хабарлайды агенттік "Азия-Плюс"ақпараттық агенттігіне сілтеме жасай отырып.
"Ауған контрабандистері түнде резинке қайықтары арқылы тәжікстанның жағасына келіп, торуылдың барын сезіп оқ жаудырды. Тәжікстанның күш құрылымдарының өкілдері оқ атқаннан кейін, олар түнді пайдаланып іздерін суытты", -деп хабарлайды ЕБА.
Оқиға болған жерді тексеру кезінде екі резинке қайық және қапқа салынған 12 келі героин табылды."Атыс салдарынан шегарашылар мен есірткіге бақылау жасау агенттігінің қызметкерлері зардап шеккен жоқ", - деп атап өтті ЕБА.
Бұл оқиғаға қатысты қылмыстық іс қозғалып Тәжікстанның арнайы қызмет өкілдеріне шабуыл жасаған топ анықталуда.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.