ТБИЛИСИ. 14- маусым. Kazakhstan Today. Тбилисиде 14-15 маусымда ТМД елдерінің сауда-өнеркәсіптік палата басшыларының бесінші жалпы отырысы өтеді, деп хабарлайды Kazakhstan Today агенттігінің тілшісі.
Отырысқа Ресей, Беларусь, Украина, Молдова, Қазақстан, Өзбекстан, Тәжікстан, Қырғызстан, Армения, Изербайжанның сауда-өнеркәсіптік палаталарының басшылары қатысады.
Грузияның сауда-өнеркәсіптік палатасының мәліметтеріне сүйенсек, отырыс барысында өнімдерін экспортқа шығаратын шағын және орта кәсіпорындарды қолдау, ТМД елдерінің сауда-өнеркәсіптік палаталарының халықаралық коммерциялық арбитраж саласындағы ынтымақтастығы мен олардың мемлекетаралық масштабтағы коммерциялық дау-дамайларындағы делдалдар ролін орындау мәселелері талқыланатын болады. Сонымен қатар, тауарлардың шығу тегін сертификациялау, бизнес үшін жоғары мамандындырылған сарапшылар мен мамандарды дайындау мәселелері де қозғалады.
Кездесу аясында отырысқа қатысушылар шарап өнеркәсібін дамыту және шарап өнімдерін экспорттауды ұлғайту мәселелерін талқылайды. ТМД елдерінің сауда-өнеркәсіптік палаталарының басшылары Грузиядағы коньяк өндіретін көне кәсіпорындардың бірі "Сараджишвили и Энисели" зауытымен танысады, деп жоспарлануда.
Отырысқа қатысушылар Грузияның премьер-министрі Зураб Ногаиделмен кездеседі.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Тбилисиде ТМД елдерінің сауда-өнеркәсіптік палата басшыларының отырысы өтеді
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.