ТМД аясында мемлекетаралық ақпараттық пул құру жоспарлануда
ТМД аясында мемлекетаралық ақпараттық пул құру жоспарлануда
Минск. 5 маусым. "Қазақстан Бүгін" - ТМД аясында мемлекетаралық ақпараттық пул құру жоспарлануда, деп хабарлайды агенттік тілшісі ТМД Атқару комитетінің баспасөз қызметіне сілтеме жасап.
ТМД Атқару комитетінің баспасөз қызметінің кеңесшісі Мария Гуцалоның хабарлауынша, тиісті келісімнің жобасын жасау барысын 30 мамырда Душанбеде ТМД-ға қатысушы елдердің мемлекеттік және қоғамдық телерадиоұйымдарының жетекшілері кеңесінің жұмыс тобының мүшелері талқылады.
Мемлекетаралық ақпараттық пул Достастық елдеріндегі өмір ағыны жайлы толық, жан-жақты әрі обьективті хабарлап отыруға мүмкіндік береді. Ол телевизиялық ақпарат алмасу принципі негізінде құрылады. Пулға қатысушылар басқа елдердің телерадиокомпаниялары алатын ақпараттық қоржын құру үшін өз елдерінде болып жатқан оқиғалар мен деректер жайлы хабарламалар береді. Алушы елдердің телерадиокомпаниялары бұл хабарламаларға өз тарапынан өзгерістер енгізу арқылы олардың мән-мазмұнын өзгерту құқығына ие болмайды. Қажет болған жағдайда ақпараттық қоржындарды Euronews бағдарламалары да ала алады.
Өзара бейнематериалдарды алмасуда үйлестіруші және оператор ролін мемлекетаралық "Мир" телерадиокомпаниясы атқарады.
Пул құру туралы келісімнің жобасы өзара келісу процедураларынан кейін ТМД-ға қатысушы елдердің мемлекеттік және қоғамдық телерадиоұйымдарының жетекшілері кеңесінің 31 қазанда Мәскеуде өтетін отырысының бекітуіне беріледі.
Жұмыс тобы сондай-ақ, бірлескен бағдарламалар мен фильмдерге қатысты жұмыстарды жүргізу тетіктері, 2009 жылдың 22 маусымында Брест бекінісінің қабырғасы жанында телемарафон өткізуге дайындық, теле- және радиобағдарламалардың биржасын құру жайын талқылады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.