ТМД елдері A (H1N1) тұмауы вирусының таралуына жол бермеудің бірлескен шаралары туралы шешімге қол қойды
Алматы. 10 маусым. "Қазақстан Бүгін" - Тәуелсіз Мемлекеттер Достастығының елдері A (H1N1) тұмауы вирусының таралуына жол бермеудің бірлескен шаралары туралы шешімге қол қойды, деп хабарлайды "Қазақстан Бүгін" агенттігі Ресейдің Федералдық тұтынушылар құқығы мен адамның игілігін қорғау саласындағы қадағалау қызметінің (Роспотребнадзор) баспасөз қызметіне сілтеме жасап.
Баспасөз қызметінің ақпаратына сәйкес, 9 маусымда Мәскеуде Ресейдің Федералдық тұтынушылар құқығы мен адамның игілігін қорғау саласындағы қадағалау қызметінің (Роспотребнадзор) жетекшісі, РФ бас санитарлық дәрігері Геннадий Онищенконың басқаруымен ТМД елдері өкілдерінің A (H1N1) тұмауы вирусының таралуына жол бермеудің бірлескен шараларын дәйектеуге арналған кеңесі өтті.
Ақпаратты пайдаланған жағдайда "Казахстан Сегодня" ақпараттық агенттігіне гиперсілтеме жасау міндетті. «Қазақстан Бүгін» Ақпараттық агенттігінің материалдарына авторлық құқық.
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.