ТМД елдері президенттерінің саммитіне Достастыққа мүше 12 мемлекеттің басшылары түгелдей қатысады - Тәжікстанның СІМ
ТМД елдері президенттерінің саммитіне Достастыққа мүше 12 мемлекеттің басшылары түгелдей қатысады - Тәжікстанның СІМ
Душанбе. 26 қыркүйек. "Қазақстан Бүгін" - Душанбеде 5 - 7 қазан аралығында өтетін ТМД елдері президенттерінің саммитіне Достастыққа мүше 12 мемлекеттің басшылары түгелдей қатысады. Бұл туралы "Қазақстан Бүгін" агенттігінің тілшісіне Тәжікстанның Сыртқы істер министрлігіндегі ақпарат көзінен хабарлады.
"Саммит жұмысына Достастыққа мүше барлық 12 мемлекеттің басшылары түгелдей қатысады, деп күтілуде",- деп атап өтті Тәжікстанның сыртқы саясат мекемесіндегі ақпарат көзі. Ол, сондай-ақ қазіргі уақытта министрлікке ТМД елдерінен келетін өкілдер құрамының тізімі келіп түсуге тиіс, деп қосты.
Сыртқы істер министрлігінің мәліметтеріне сүйенсек, алдағы ТМД елдерінің президенттері саммитінің күн тәртібі 20-ға жуық мәселені қамтыған, олардың ең бастылары - Достастықты дамыту концепциясы мен оны орындауға қатысты негізі іс-шаралар жоспары. Атап айтқанда, дайындалған концепция жобасы ТМД-ның одан әрі эволюциялық дамуын, Достастыққа мүше елдердің өзара ықпалдастығының тиімділігін көтеру үшін экономикалық және саяси тұрғыдан бірігуін қарастырады.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.