ТМД елдерінің өкілдері Оңтүстік Осетиядағы жағдайдың ушығуына алаңдаушылық білдірді
ТМД елдерінің өкілдері Оңтүстік Осетиядағы жағдайдың ушығуына алаңдаушылық білдірді
Алматы. 8 тамыз. "Қазақстан Бүгін" - ТМД елдерінің өкілдері Оңтүстік Осетиядағы жағдайдың ушығуына алаңдаушылық білдіріп отыр. Бұл туралы Минскіде Достастықтың одан әрі даму тұжырымдамасын жүзеге асыру жөніндегі құжаттарды дайындау бойынша жұмыс тобының отырысында Беларусь Республикасының Сыртқы істер министрлігінің ТМД және ЕурАзЭҚ жөніндегі басқарма бастығының орынбасары Олег Иванов мәлімдеді, деп хабарлайды "Қазақстан Бүгін" агенттігінің тілшісі ТМД Атқару комитетінің баспасөз қызметіне сілтеме жасай отырып.
Баспасөз қызметінің хабарлауынша, отырыста төрағалық етуге сайланған О. Иванов жұмыс тобының атынан қақтығыстың тезірек шешілуіне үміт білдірді.
Грузин - осетин қақтығысы аймағындағы жағдай туралы ақпарат сондай-ақ, 5 тамызда Достастықтың жарғылық және басқа да органдарының жанындағы Достастыққа мүше мемлекеттердің тұрақты уәкілетті өкілдерінің кеңесінің отырысында Ресей Федерациясының өкілі тарапынан да жарияланды. ТМД елдерінің тұрақты өкілдері оны қаперлеріне алды, деп хабарлайды ТМД Атқару комитетінің баспасөз қызметі.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.