ТМД елдерінің Парламентаралық ассамблеясының кеңесі грузин-осетин қақтығысы бойынша мәлімдеме жасайды
ТМД елдерінің Парламентаралық ассамблеясының кеңесі грузин-осетин қақтығысы бойынша мәлімдеме жасайды
Бішкек. 20 тамыз. "Қазақстан Бүгін" - ТМД елдерінің Парламентаралық ассамблеясының (ПАА) кеңесі грузин-осетин қақтығысы бойынша мәлімдеме жасайды. Бұл туралы ТМД ПАА делегациясы құрамында Кавказдағы қарулы қақтығыс аймағына барған жогорку кенеш депутаты Ижібай Қалмаматов мәлімдеді, деп хабарлайды "Қазақстан Бүгін" агенттігінің тілшісі Қырғызстанның БАҚ сілтеме жасай отырып.
"Біз онда төрт күн болып, Солтүстік Осетияның Владикавказ, Беслан қалаларымен бірге Оңтүстік Осетияның астанасы Цхинвали мен соның маңындағы ауылдарды араладық", - деді И. Қалмаматов. Ол өзінен басқа топ құрамына ТМД ПАА бас хатшысы Михаил Кротов бастаған Қазақстан мен Беларуссияның да өкілдері кіргенін айтты.
"Біз атысқа ұшыраған Цхинвалидің үйлері мен ғимараттарын көрдік. Олардың көпшілігінен бір мезетте 40 снарядпен ата алатын "Град" атты зымыран қондырғыларының іздері байқалады", - деді парламент депутаты. Оның айтуынша, ауылдардың өзінде сау үй қалмаған. "Ғимараттар түгелімен атылған. Олардың қатарында мектептер, балалар бақшалары мен университеттер бар. Дегенмен қалпына келтіру жұмыстары қазірдің өзінде басталып кеткен және адамдар Солтүстік Осетиядан елдеріне қайтып жатыр", - деп толықтырды И. Қалмаматов. Ол Оңтүстік Осетияның барлық тұрғындары бірауыздан "Искери іс-қимылдарды Грузия бастады" дегенді айтуда, деп атап көрсетті.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.