ТМД елдерінің жер қойнауын барлау, пайдалану және қорғау жөніндегі үкіметаралық кеңесі Душанбеде бас қосады
ТМД елдерінің жер қойнауын барлау, пайдалану және қорғау жөніндегі үкіметаралық кеңесі Душанбеде бас қосады.
Душанбе. 18 қыркүйек. "Қазақстан Бүгін" - ТМД елдерінің жер қойнауын барлау, пайдалану және қорғау жөніндегі үкіметаралық кеңесінің 11-ші сессиясының отырысы қыркүйектің 24 мен 27 аралығында Душанбеде өтеді, деп хабарлайды Kazakhstan Today тілшісі Тәжікстан үкіметінің жанындағы бас геологиялық басқармасының баспасөз қызметіне сілтеме жасап.
Баспасөз қызметінің мәліметтерінше, отырысқа ТМД-ға қатысушы 12 елден 50-дей өкіл мен ТМД үкіметаралық кеңесінің төрағасы Владимир Карпук қатысады.
Отырыс барысында тараптар жер қойнауын барлау, пайдалану және қорғау жөніндегі үкіметаралық кеңесінің іс-қызметі жөніндегі есепті талқылайды. Отырыс аясында тиісті құжаттарға қол қою жоспарланған.
ТМД елдерінің жер қойнауын барлау, пайдалану және қорғау жөніндегі үкіметаралық кеңесінің сессиясы Тәжікстан үкіметінің бастамасымен өткізілмекші.
Сессияға қатысушылар Тәжік алюминий компаниясы мен Нурек СЭС-ында болады деп күтілуде.
ТМД елдерінің жер қойнауын барлау, пайдалану және қорғау жөніндегі үкіметаралық кеңесі 1997 жылдың 27 наурызында құрылған. Ол кезде кеңес құрамына ТМД-ға қатысушы 9 ел қамтылған және ол ТМД-ға қатысушы елдердің "Тау хартиясы" кеңесі деп аталған.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.