ТМД қылмыспен күрес саласындағы ынтымақтастық бойынша тұрақты жұмыс істейтін құрылым жасақтауда
ТМД қылмыспен күрес саласындағы ынтымақтастық бойынша тұрақты жұмыс істейтін құрылым жасақтауда
Мәскеу. 12 қыркүйек. "Қазақстан Бүгін" - ТМД қылмыспен күрес саласындағы ынтымақтастық бойынша тұрақты жұмыс істейтін құрылым құруда. Бүгін Мәскеуде қылмыспен күрес саласындағы ынтымақтастық жөніндегі ТМД органдарының жұмысшы құрылымдары жетекшілерінің тұрақты жұмыс істейтін кеңесінің ұйымдастырушылық жиыны өтуде, деп хабарлайды агенттік тілшісі ТМД Атқрау комитетінің баспасөз қызметіне сілтеме жасап.
Баспасөз қызметінің ақпаратына сәйкес, отырыста кеңестің төрағасын сайлау және кеңестің ережелерінің жобасы мен оның 2008-2009 жылдарға арналған жұмыс жоспарын талқылау көзделген.
Қауіпсіздік және қылмыспен күрес саласындағы ынтымақтастықты жүзеге асыратын жарғылық және салалық органдардың отырыстары ТМД шеңберінде 1997 жылдан бері өткізіліп келеді. Осындай отырыстар бұған дейін төрт мәрте Мәскеу, Минск, Киев және Астанада өткен.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.