ТМД мемлекет басшылары барлық маңызды мәселелерді жабық есік жағдайында талқылады
ТМД мемлекет басшылары барлық маңызды мәселелерді жабық есік жағдайында талқылады
Бішкек. 10 қазан. "Қазақстан Бүгін" - ТМД мемлекет басшылары бүгін Бішкекте өткен кеңесте барлық маңызды мәселелерді жабық есік жағдайында талқылады, деп хабарлайды агенттік тілшісі.
Бұдан бұрын да хабарлағанымыздай, Бішкекте "Ала-Арча" мемлекеттік резиденциясында ТМД мемлекет басшылары кеңесінің отырысы өтті. ТМД мемлекет басшылары Қырғызстан астанасына кеше кешке келген. Саммитке Өзбекстан мен Украина президенттерінен өзге барлық мемлекет басшылары қатысты. Олар Бішкекке өз ресми өкілдері жіберген. Изербайжан өкілдерін премьер-министр, Украина делегациясын - Қауіпсіздік кеңесінің хатшысы басқарды.
Саммиттің күн тәртібіне 20 жуық мәселе енгізілді. ТМД мемлекет басшыларының кеңесінде 19 құжат қабылданды, энергетика 2009 жылғы ынтымақтастықтың шешуші саласы ретінде айқындалды.
ТМД мемлекет басшыларының отырысында бүгін Грузин-абхаз шиеленісі аймағында бейбітшілік сақтаушы ұжымдық күштердің қызметін тоқтату мәселесі талқыланады деп күтілген болатын. Бұл мәселені мемлекет басшыларының қарауына Ресей жағы шығарды. Күн тәртібіндегі шешуші мәселе - ТМД елдерінің экономикалық даму стратегиясы болды. ТМД мемлекет басшылары ТМД елдерінің 2020 жылға дейінгі экономикалық даму стратегиясын мақұлдамады. Мемлекет басшылары құжатты толықтыру қажет деп санайды. "Құжат ағымдағы жылдың қарашасына дейін дайын болады деп күтілуде. Стратегия Кишиневте өтетін Достастық үкімет басшылары кеңесінің талқылауына шығарылады",- деді ТМД Атқару комитетінің төрағасы Сергей Лебедев.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Министрлік Орталық Азия елдерінің өңірлік қауіпсіздігі мәселелері жөніндегі халықаралық конференцияға қатысты
Сурет: МИОР РК
Ташкентте "БҰҰ Жаһандық терроризмге қарсы стратегиясын іске асыру жөніндегі бірлескен іс-қимыл жоспары шеңберінде Орталық Азия елдерінің өңірлік ынтымақтастығы" тақырыбында жоғары деңгейдегі халықаралық конференция ұйымдастырылды, деп хабарлайды KAZAKHSTAN TODAY
Ағымдағы жылғы 3-4 наурызда Біріккен Ұлттар Ұйымының, сондай-ақ Орталық Азия елдерінің өкілдері өзара Терроризмге қарсы ынтымақтастықтың нәтижелерін бағалау мәселелерін талқылады.
Қазақстандық делегация құрамында АҚДМ Дін істері комитеті төрағасының орынбасары Бауыржан Бакиров қатысты.
Б.Бакиров министрліктің дін саласындағы іске асырып жатқан мемлекеттік саясаты туралы баяндама жасап, отандық заңнамамен, экстремизм мен терроризмге қарсы іс-қимыл жөніндегі мемлекеттік бағдарламалармен, сондай-ақ діни экстремизм мен терроризмнің алдын алу жөніндегі жұмыстардың негізгі бағыттарымен таныстырды.
Іс-шарада бұрын қолданыста болған бірлескен іс-қимыл жоспары шеңберіндегі 10 жылдық ынтымақтастықтың қорытындылары шығарылып, терроризмге қарсы күрес саласындағы өңірлік және халықаралық ынтымақтастық перспективаларының ағымдағы және болашақ үрдістері талқыланды.
Конференция соңында Орталық Азияда Жаһандық терроризмге қарсы стратегияны іске асыру жөніндегі бірлескен іс-қимыл жоспары ұсынылып, мақұлданды, сондай-ақ "Ташкент декларациясы" қабылданды.